Egilssel í Fellum

Í Egilsseli í Fellum voru gróðursettar rúmlega 200 þúsund plöntur sumarið 2022, greni fura og ösp og um 100.000 til viðbótar sumarið 2023. Gróðurfar einkenndist af rýrum melum og rofnu, en einnig ágætlega gróskumiklu mólendi inn á milli. Hluti mólendis á áætluðu plöntunarsvæði var tekinn út úr verkefninu vegna sérstaklega mikillar grósku. Svæðið er bæði votlent og rýrt með skemmtilegar klappir, kletta, tjarnir og vötn víða. Það verður áhugavert að sjá mörg vistkerfi vinna saman næstu árin og við sjáum strax að Egilssel gæti orðið einstaklega fjölbreytt útivistarsvæði. Búið er að forskrá Egilssel hjá Gold Standard og er áætlað að bæta því við verkefnið Arctic Afforestation in East Iceland, en fyrsta verkefnið í þeim verkefnahópi er á Mýrum í Skriðdal.